Այսօր ՀԱԿ խմբակցության ղեկավար Լեւոն Զուրաբյանը դատախազության առջեւ տեղեկացրեց, որ ԱԺ աշնանային նստաշրջանում նոր օրենսդրական նախաձեռնություններ են պատրաստում, քայլեր են մտածում, որ մոբիլիզացնեն ամբողջ հայ ժողովրդին՝ հասարակությանը հուզող հարցերի շուրջ. «Դրանց նպատակն է նաեւ այս ռեժիմի բռնապետական ջղաձգումների սահմանափակումը: Դրանք կապված են եւ Մարտի 1-ի, եւ իշխանության լիազորությունների հետ, որոնք կնպաստեն պետության պատասխանատվությանը՝ որեւէ բռնություն կիրառելու դեպքում: Հիմա չեմ ուզում այդ քայլերը բացել, բայց դուք դա կտեսնեք: Մենք շատ հետեւողական քայլեր ենք անելու, որոնք պետք է թուլացնեն այս բռնապետությունը: Մենք անդրադառնալու ենք բոլոր պրոբլեմներին՝ այս թալանին, ավտոկայանատեղերի այս բեսպրեդելին, որ մի քանի կգ ներկ քսելով՝ ստեղծել է հնարավորություն Սաշիկի համար հարստանալու, որովհետեւ պարզվում է՝ 70 տոկոսն այդ տուգանքներից անցնելու է նրա կողմից տնօրինվող ընկերությանը: Բոլոր այս հարցերը մենք բարձրացնելու ենք»:
Լեւոն Զուրաբյանը կանխատեսեց, որ իրավիճակը թեժանալու է եւ պայքարն ուժեղանալու է:
Կարդացեք նաև
Հռիփսիմե ՋԵԲԵՋՅԱՆ
