Օգոստոսի 30-ին Արմավիրի մարզի Դալարիկ գյուղում տեղի ունեցավ էկո կանգառի բացման արարողությունը: Արարողությանը պետք էր ներկայանալ էկո կերպարով՝ կանաչ հագուստով կամ աքսեսուարներով: Էկո կանգառը ձևավորված էր պլաստիկ շշերով, ակերից և շշերից պատրաստված ծաղկամաններով:
Կանգառը 2-րդ կուրսի ուսանողուհի Աննա Մկրտչյանի նախագիծն էր, նա մասնակցելով գրանտային ծրագրին հաղթել էր այն. «Երբ, որ «Միացյալ քաղաքացիական կրթության ազգային Էկո լաբ» ծրագրի առաջին փուլը անցել էի, այսինքն՝ ինձ արդեն ընտրել էին որպես մասնակցի, երբ որ պետք է ներկայացնեի ծրագիրս մի վարժանք արեցինք, որ պետք է մեր աչքերը փակեինք և մտքով տեղափոխվեինք մեր գյուղ, տեսնեինք՝ ինչ խնդիր ունենք: Երբ, որ ես մտքով հասա Արմավիր՝ Դալարիկ, առաջին միտքը կանգառն էր, երբ որ ես հեռվից տեսա երեք հատ սուր ծայրով քարը, որի վրա նստած են մարդիկ, այդ ժամանակ առաջացավ գաղափարը»:
Կանգառի պատրասմանը աջակցել են «Հայաստանի մանուկներ» հիմնադրամը և «Միացյալ քաղաքացիական կրթության ազգային Էկո լաբ» ծրագիրը, «Բջնի» ընկերությունը:
Կանգառի բացմանը եկել էին Դալարիկ գյուղի բնակիչները: Բացման արարողությունը կատարեցին Աննան և գյուղի երեխաներից մեկը, ով ներկաներին ուրախացրեց իր երգով, այնուհետև տեղի ունեցավ հյուրասիրություն: Գյուղի բնակիչները ողջունում էին նախագիծը և կոչ անում համագյուղացիներին լավ վերաբերվել կանգառին. «Ապրի՛ մեր Աննան, իմ հարևանուհին ա, շատ լավ գործ է կազմակերպել, նախ ինքը ստեղ չի եղել. Ուկրաինայում էր, բայց իր ծնողների և «Հայաստանի Մանուկներ» հիմնադրամի օգնությամբ: Ամեն ինչ շատ լավ եղավ. Մեծ ավան էր մի հատ նորմալ կանգառ չկար»:
Կարդացեք նաև
Ամի Չիչակյան
