«Մեզ դիմում են վարորդներ՝ ասելով թե անհարկի արձանագրություն է կազմվել, բայց ոստիկանը պարտավոր է արձանագրել իր աչքով տեսած խախտումներ, այսինքն` պարտադիր չէ, որ խախտումը ֆիքսվի տեխնիկական միջոցներով»,- այսօր լրագրողների հետ հանդիպման ժամանակ՝ անդրադառնալով վարորդների դժգոհություններին, ասաց ճանապարհային ոստիկանության ճանապարհապարեկային ծառայության բաժնի պետ, ոստիկանության գնդապետ Նորիկ Սարգսյանը:
Դիտարկմանը, թե դժգոհություն կա, որ ոստիկանական ավտոմեքենաների մեջ տեղադրված սարքերը սխալ են արձանագրում արագությունը, նշեց. «Արագաչափ սարքերը ամեն տարի ազգային չափագիտության ինստիտուտի կողմից ստուգվում են եւ տրվում համապատասխան սերտիֆիկատ: Դժվար թե ազգային չափագիտության ինստիտուտը սխալվի: Դրանք ճիշտ են աշխատում, վարորդների կողմից դիմում-բողոքներ մենք էլ ենք ստացել, բայց քննարկման արդյունքում պարզվել է, որ միշտ ճիշտ են եղել ոստիկանության աշխատակիցները»:
Ինչ վերաբերում է մեծ պահանջարկ ունեցող պետհամարանիշների թանկացմանը, ապա, Սարգսյանը նշեց. «Դրա վերաբերյալ կառավարության հատուկ որոշում է ընդունվել»:
Եվա ՀԱԿՈԲՅԱՆ
Բոլոր նորմալ երկրներում արագաչափ սարգերը ունեն էլեկտրոնային տաբլո, որի վրա վարորդը
տեսնում է իր մեքենայի արագությունը 100 մերտից և այն կարող է համեմատել իր մեքենայի արագաչափի հետ և չառաջանա որևէ կասկած: Իսկ ռոբիկա-շեռժիկա-շաշիկա-լֆիկա- լիսկա-շմայսա-
զիբիլաբարո Հայաստանում այն մի մետաղյա տուփ է, որտեղ երևի սատանա է նստած և հաշվառում: