Ռուստաստանաբնակ հայ շոումեն Գարիկ Մարտիրոսյանը հարցազրույց է տվել ռուսական 7days լրատվամիջոցին: Նրա պատասխաններից մի քանիսը ներկայացնում ենք Ձեր ուշադրությանը:
Գարիկ, կա կարծիք, որ ТНТ հեռուստաալիքի Comedy Club հաղորդումը երիտասարդ հումորիստի համար հարստանալու հեշտ միջոց է…
Դա միֆ է: Ասեմ այսպես. Comedy Club-ը ոչ թե հարստանալու, այլ ստեղծագործական մտքերը ռեալիզացնելու լավագույն միջոցն է: Եւ այն, որ մենք հաղորդումը սկսել ենք աղքատ երիտասարդներով եւ միայնակ հարստացել ենք, նույնպես ճիշտ չէ: Երբ ես եկա այդ հաղորդում, արդեն ունեի երեքսենյականոց բնակարան Նովոկուզնյեցկ փողոցում եւ լավ մեքենա, որովհետեւ արդեն վաղուց աշխատում էի հեռուստատեսությունում. հումորներ էի գրում КВН-ի, սցենարներ СТС-ի «Բարի գիշեր» հաղորդման համար, աշխատում էի «Ռուսական ռադիո»-ում, «Նոր հայեր» խմբի հետ հյուրախաղերի էի ամբողջ Ռուսաստանով:
Դուք հաճա՞խ եք հյուրախաղերին Ձեր հետ վերցնում ընտանիքին: Այստեղ՝ Յուրմալայում, Ձեր կինը՝ Ժաննան, աղջիկը՝ Ժասմինը եւ տղան՝ Դանիելը, նույնպես Ձեր հետ են:
Կարդացեք նաև
Ընտանիքիս վերցրել եմ հետս, որովհետեւ այս քաղաք Comedy Club-ը մի քանի օրով չի գալիս: Ըստ ավանդույթի՝ այստեղ միշտ նկարահանվում են ամառային շրջանի բոլոր հաղորդումները, իսկ դրանց պատրաստելու համար երկար ժամանակ փորձեր են արվում: Այդ պատճառով տարիներ շարունակ ես այստեղ քոթեջ եմ վարձում, որ երեխաները ոչ միան ծովի ափին հանգստանան, այլ նաեւ կարողանան իրենց հայրիկին տեսնել:
Իսկ չե՞ք ծրագրել սեփական տուն կառուցել:
Ես ու կինս վաղուցվանից ենք այդ մասին երազում: Ընդ որում, ես երազում եմ, իսկ նա կիրականացնի: Եւ ընդհանրապես, մեր ընտանիքում «իսկական տղամարդ» կոչմանը ավելի շատ արժանի է կինս, որովհետեւ նա ծնել է որդի, շուտով կսկսի ծառերը տնկել եւ կառուցել տուն մերձմոսկովյան տարածքում:
Վստահ եմ, դու գլուխ կհանես: Ինձ համար շինարարությունը, վերանորոգումը եւ ընդհանրապես կենցաղային խնդիրները իսկական տանջանք են, իսկ Ժաննան հիանալիորեն գլուխ է հանում նման բաներից: Անձամբ ինքն է զբաղվել մեր մոսկովյան տան վերանորոգման աշխատանքներով եւ երեւի թե շինարարությամբ նույնպես զբաղվի: Հնարավոր է՝ նրան դուր է գալիս գնել շինանյութեր եւ կռվել աշխատողների հետ: Իսկ ինձ դա դուր չի գալիս: Բայց տուն, երեխաների համար, որոնք օրեցօր մեծանում են, անհրաժեշտ է:
Ավանդույթների մասին: Երեխաները գիտե՞ն հայերեն խոսել:
Այո, նրանք ազատ խոսում են հայերեն, որովհետեւ ես փորձում են նրանց հետ միշտ հայերեն խոսել, բացի այդ՝ նրանց դայակը նույնպես հայ է: Ժասմինը նույնիսկ գրել եւ կարդալ գիտի հայերեն: Ամեն տարի ամռանը մենք նրան ուղարկում ենք հայաստան, որտեղ ապրում են իմ ծնողները եւ եղբայրս՝ ընտանիքով: Նա երկու որդի ունի, նրանց հետ Ժասմինը մեծ սիրով շփվում է, եւ ընդհանրապես նրա համար Երկիր մոլորակի ամենալավ քաղաքը Երեւանն է՚:
Հարցազրույց անմբողջությամբ կարող եք կարդալ այստեղ:
