Այսօր «Նովոստի» միջազգային մամուլի կենտրոնում Հայաստանի գիտությունների ազգային ակադեմիայի Արեւելագիտության ինստիտուտի տնօրեն Ռուբեն Սաֆրաստյանն անդրադարձավ Սիրիային:
«Քիմիական զենքի կիրառումը՝ ում կողմից էլ որ լինի, ծանրագույն հանցագործություն է ու դրա կիրառողը պետք է պատժվի: Երբ հաստատվի, թե ով է կիրառել այն՝ այդ պատիժը պետք է լինի միջազգային իրավունքի շրջանակներում: Եվ այս առումով պատասխան գործողությունները, ռազմական ուժ կիրառելով` միջազգային իրավունքից դուրս է»,- ասաց Սաֆրաստյանը՝ նշելով, թե հայ համայնքի հարցը, որը ենթարկվում է հարձակումների` մեզ համար շատ կարեւոր է:
Սաֆրաստյանը գտնում է` եթե ԱՄՆ-ն ցանկանա, կարող է հարվածել Սիրիային, բայց դրանով կվնասի նաեւ իրեն, բացի այդ` իրենց դեմ կհանեն արաբական, իսլամական աշխարհը:
Նա նաեւ նշեց, որ այսօր ԱՄՆ-ի եւ Ռուսաստանի հարաբերությունները բավականին սրված են եւ դա ազդում է ԱՄՆ-ի նախագահի վրա. «Նախընտրելի է դիվանագիտական ճանապարհով սուր ճգնաժամը լուծել, կա պարզ ճշմարտություն` Ռուսաստանը Խորհրդային միություն չէ, եւ նա իր զինված ուժերով, նավատորմով իրականում ոչինչ չէի կարող անել, բացի իրավիճակը սրելուց»:
Կարդացեք նաև
Եվա ՀԱԿՈԲՅԱՆ
