Կառավարությունն այսօրվա նիստում որոշեց օրենսդրական նախաձեռնություն ներկայացնել ԱԺ՝ փոփոխություններ կատարելու «Կանանց և տղամարդկանց հավասար իրավունքների և հավասար հնարավորությունների ապահովման մասին» ՀՀ օրենքում: Օրենքի նախագծի առաջին հոդվածում որոշվեց հանել վիճահարույց դրույթը, որի ով սահմանվում էր՝ գենդերը ձեռքբերովի սոցիալական վարք է:
Աշխատանքի եւ սոցիալական հարցերի նախարար Արտեմ Ասատրյանը նաեւ հաշվի առնելով այս օրենքի շուրջ բոլոր մտահոգություններն ու տարբեր մեկնաբանությունները՝ առաջարկեց օրենքում ուժը կորցրած ճանաչել գենդերային հարաբերություններ բառերը, ու փոխարինել կանանց եւ տղամարդկանց հավասար իրավունքները եւ հավասար հնարավորությունները բառերով:
Նա նաեւ ասաց, որ «Կանանց և տղամարդկանց հավասար իրավունքների և հավասար հնարավորությունների ապահովման մասին» ՀՀ օրենքը միջազգային փաստաթղթի հիման վրա է ընդունվել:
Կառավարությունն այսօր նաեւ մերժեց ԱԺ ԲՀԿ խմբակցության քարտուղար Նաիրա Զոհրաբյանի՝ «Կանանց և տղամարդկանց հավասար իրավունքների և հավասար հնարավորությունների ապահովման մասին» օրենքում փոփոխություններ կատարելու նախագիծը: Նախարարի խոսքերով, կառավարության օրինագծով ամբողջական լուծում է տրվում խնդրին եւ կարիք չկա այլ օրինագիծ քննարկելու:
Կարդացեք նաև
Արփինե ՍԻՄՈՆՅԱՆ
