Մարդու իրավունքների պաշտպանության մասով ԽՀԱԱԳ-ն հիմնականում կազդի տնտեսական և սոցիալական իրավունքների վրա, սակայն ազդեցություն չի ունենա մշակութային, քաղաքացիական կամ քաղաքական իրավունքների վրա: Ասված է Առևտրի կայունության ազդեցության գնահատում` ԵՄ-ի և Հայաստանի Հանրապետության միջև ստեղծվելիք Խորը և համապարփակ ազատ առևտրի գոտու (ԽՀԱԱԳ) շուրջ բանակցություններին աջակցելու նպատակով Եվրոպական հանձնաժողովի հրապարակած վերջնական զեկույցում:
Ըստ զեկույցի, բարեկեցության նախատեսված աճը, ամենայն հավանականությամբ մարդու իրավունքների ոլորտում դրական արդյունքներ կտա (օր. կենսամակարդակի համարժեք բարելավում), միաժամանակ այստեղ կարող են լինել նաև ռիսկային գործոններ: Ընդհանուր հաշվով կանխատեսվում է փոքր, բայց դրական ազդեցություն
ԽՀԱԱԳ-ի սոցիալական հետևանքները հիմնականում պայմանավորված կլինեն գների և աշխատավարձերի, աշխատատեղերի ստեղծման ԽՀԱԱԳ-ի ոլորտների միջև զբաղվածության համապատասխան փոփոխություններով: Սա կնպաստի Հայաստանում աշխատանքային օրակարգի ձևավորմանը, աշխատանքի չափանիշների բարելավմանը` տեղական քաղաքականության և արտաքին խրախուսման շնորհիվ:
Ուսումնասիրության նպատակն է` «գնահատել, թե ինչպես կարող են առևտրի և առևտրին առնչվող ոլորտների շուրջ բանակցված դրույթները ԵՄ-ում և Հայաստանում ազդել տնտեսական, սոցիալական և բնապահպանական խնդիրների վրա, որպեսզի առավելագույնս ապահովվեն ԽՀԱԱԳ օգուտները և նվազագույնի հասցվեն հնարավոր բացասական հետևանքները»:
Կարդացեք նաև
Պատրաստեց Հովհաննես ԻՇԽԱՆՅԱՆԸ
