Սպասվում է, որ ԽՀԱԱԳ-ն բնապահպանության վրա կունենա և’ դրական, և’ բացասական ազդեցություն, իսկ ընդհանուր ազդեցությունը դժվար է կանխագուշակել: Ասված է Առևտրի կայունության ազդեցության գնահատում` ԵՄ-ի և Հայաստանի Հանրապետության միջև ստեղծվելիք Խորը եւ համապարփակ ազատ առևտրի գոտու (ԽՀԱԱԳ) շուրջ բանակցություններին աջակցելու նպատակով Եվրոպական հանձնաժողովի հրապարակած վերջնական զեկույցում:
Որոշ ոլորտներում, որոնք էական ազդեցություն ունեն Հայաստանի բնապահպանական իրավիճակի վրա, ԽՀԱԱԳ-ն հավանաբար չնչին, բայց դրական ազդեցություն կթողնի (օր. գյուղատնտեսության ոլորտում` հողօգտագործման նվազման և գյուղատնտեսական ավելի լավ փորձի հետ կապված, ինչպես նաև էներգաարդյունավետության շինարարությունների ավելացման): Սակայն հանքաարդյունաբերության ընդլայնումը կարող է ավելացնել բնապահպանական խնդիրները:
Ըստ զեկույցի, հողօգտագործման նվազումը գնահատվում է 0,4%-ով: Երկարատև ժամկետում նատրիումի օքսիդի արտանետումները կավելանա 3,5%-ով, իսկ ածխաթթու գազինը` կնվազի 3,9%-ով:
Ուսումնասիրության նպատակն է` «գնահատել, թե ինչպես կարող են առևտրի և առևտրին առնչվող ոլորտների շուրջ բանակցված դրույթները ԵՄ-ում և Հայաստանում ազդել տնտեսական, սոցիալական և բնապահպանական խնդիրների վրա, որպեսզի առավելագույնս ապահովվեն ԽՀԱԱԳ օգուտները և նվազագույնի հասցվեն հնարավոր բացասական հետևանքները»:
Կարդացեք նաև
Պատրաստեց Հովհաննես ԻՇԽԱՆՅԱՆԸ
