«Ամերիկայի Ձայն». «Սիրիայի էլեկտրոնային բանակ»-ն առցանց գործող խմբավորում է, որը սատարում է Սիրիայի նախագահ Բաշար ալ-Ասադին
Ամերիկյան «Նյու Յորք Թայմս» պարբերականի կայքն այս ամիս արդեն երկրորդ անգամ է ենթարկվել ցանցահենային հարձակման, որը մի քանի ժամով խաթարել է կայքի գործունեությունը:
Պարբերականի տեղեկատվական վարչության ղեկավար Մարք Ֆրոնսի կողմից հրապարակված հայտարարության համաձայն, կայքի աշխատանքի խաթարման պատճառ է դարձել «Սիրիայի էլեկտրոնային բանակ»-ի կամ այս անվան քողի ներքո գործող այլ ցանցահենների կողմից իրականացված արտաքին չարամիտ հարձակումը:
«Սիրիայի էլեկտրոնային բանակ»-ն առցանց գործող խմբավորում է, որը սատարում է Սիրիայի նախագահ Բաշար ալ-Ասադին:
Կարդացեք նաև
«Նյու Յորք Թայմս»-ի համաձայն, ցանցահեններն ամենայն հավանականությամբ հարձակում էին գործել պարբերական դոմենների անվանումների ռեեստրավար «Մելբուրն Այ-Թի»-ի վրա:
Ամերիկյան այս պարբերականը նախօրեին ստիպված էր եղել որոշ լուրեր հրապարակել իր ֆեյսբուքյան էջում և միկրոբոլգների ծառայության միջոցով տեղեկացնում էր իր ընթերցողներին իրավիճակի զարգացման մասին:
Հիշեցնենք, որ օգոստոսի կեսերին «Սիրիայի էլեկտրոնային բանակը» ցանցահենային հարձակում էր իրականացրել ամերիկյան «Վաշինգտոն Փոստ», «Սի-Էն-Էն» և «Թայմ» լրատվամիջոցների ուղղությամբ:
Արմեն Հովհաննիսյան
