«Շահարկվում է Սուրիկ Խաչատրյանի անունը, բայց քրեական գործում չկա որեւէ ապացույց այդ մասին»,- այսօր հրավիրած ասուլիսում հայտարարեց Սուրիկ Խաչատրյանի որդու՝ Տիգրան Խաչատրյանի եւ թիկնապահ Զարզանդ Նիկողոսյանի փաստաբան Մարտին Զիլֆուղարյանը:
«Սուրիկ Խաչատրյանը մեղադրյալ չի եղել եւ չի էլ լինելու»,- այսպես վրդովվեց Ռուբեն Սահակյանը, երբ լրագրողները Սուրիկ Խաչատրյանի հետ կապված սկսեցին հարցեր տալ, թե կրակոցները չի՞ լսել, այդ ինչպե՞ս է խմած-քնած եղել, որ չի լսել:
Մեր հարցին՝ ինչո՞ւ եք վրդովվում, երբ Սուրիկ Խաչատրյանի անունն են տալիս՝ նա պատասխանեց. «Վրդովվում եմ, որովհետեւ Սուրեն Խաչատրյան գործ գոյություն չունի, գոյություն ունի Տիգրան Խաչատրյանի գործը:
«Տոզի» կրակոցը ձայն չի հանում, դա տզզոց է միայն: Հասկանում եմ՝ 6 հատ է կրակել, բայց էսօր հասկանում եք պատուհաններն ինչպիսին են»:
Կարդացեք նաև
Մեր հարցին՝ Դուք ասացիք, որ զինդատախազության գործելակերպից վրդովված եք: Ի՞նչն է վրդովվեցրել ձեզ մասնավորապես՝ Ռուբեն Սահակյանը պատասխանեց. «Զարզանդ Նիկողոսյանը անազատության մեջ չպետք է լիներ: Ստացվում է, որ Նիկոլայ Աբրահամյանին կրակել է Զարզանդ Նիկողոսյանը, այսպիսի նախաքննություն չպետք է ընթանա: Երբեմն մտածում եմ՝ ավելի լավ չի՞ բացարկ հայտնենք զինվորական դատախազությանը, գործը գնա մեկ ուրիշ տեղ: Մտածում ենք՝ Արտակ Բուդաղյանի օգտին ավելի լավ գործողություններ կկատարեն: Չնայած մեկ էլ մտածում ենք՝ ի՞նչ տարբերություն՝ գործն ուր կգնա»:
Հռիփսիմե ՋԵԲԵՋՅԱՆ
