«Ազատություն» ռադիոկայան.«Ֆեմեն» շարժումը մտադիր է դադարեցնել գործունեությունը Ուկրաինայում։
Շարժման առաջնորդ Աննա Գուցոլը հայտարարել է իրենց դեմ քրեական հետապնդում սկսելու նպատակով ոստիկանության կողմից «գործ սարքելու» մասին։
Մասնավորապես, իրավապահները կազմակերպության գրասենյակից հայտնաբերել են զենք – զինամթերք՝ Ռուսաստանի նախագահ Վլադիմիր Պուտինի ու Մոսկվայի և Համայն Ռուսիո պատրիարք Կիրիլ առաջինի թիրախավորված նկարների հետ։
Մինչդեռ կազմակերպությունը պնդում է, որ «Ֆեմեն»-ը խաղաղ գործունեություն է ծավալում, իրենք որևէ զենք չեն ունեցել, և թերևս ոստիկանությունն է զինամթերքը գցել գրասենյակում՝ կազմակերպության անդամներին ահաբեկչության և հարձակում նախապատրաստելու մեղադրանքներ առաջադրելու համար։
Կարդացեք նաև
«Ֆեմեն»-ի ակտիվիստուհիները սովորաբար տարբեր երևույթների առնչությամբ իրենց բողոքն արտահայտում են հրապարակավ մինչև գոտկատեղը մերկանալով։
Իրինա Հովհաննիսյան
