ՀՖՖ կայքէջը տեղեկացնում է, որ ֆուտբոլի Եվրոպայի մինչեւ 17 տարեկանների 2013/2014 առաջնության որակավորման փուլի 7-րդ խմբի մրցաշարն անցկացվելու է Հայաստանում՝ հոկտեմբերի 23-ից 30-ը: Մեր հավաքականի մրցակիցները լինելու են Անգլիայի, Իռլանդիայի եւ Ջիբրալթարի ընտրանիները:
Հայաստանի U17 հավաքականն այդ մրցաշարում մեկնարկելու է Անգլիայի հետ հանդիպումով, որից հետո հաջորդաբար կհանդիպի Իռլանդիայի եւ Ջիբրալթարի իր հասակակիցների հետ:
Եվրոպայի առաջնության հաջորդ՝ էլիտ ռաունդ, անցնում են խմբերում առաջին երկու տեղերը գրաված հավաքականները, ինչպես նաեւ բոլոր 13 խմբերում լավագույն արդյունքով 3-րդ տեղն զբաղեցրած թիմը:
Աշոտ ՀԱԿՈԲՅԱՆ
