Այսօր քաղաքապետարանի մոտ մի կին դժգոհում ու լաց էր լինում, թե Կոմիտաս 5 հասցեում նախորդ օրը ոստիկաններն իրեն էլ են քաշքշել, հրել, գցել ու այնպես հարվածել, որ ամբողջ ձեռ ու ոտք կապտեցրել են:
Նրա հետ եկած ակտիվիստներից մեկն էլ շարունակեց. «Գնացել էինք պաշտպանելու մեր ջահելներին, ջահել աղջիկներին, որ ոստիկանները գցել էին քացիների տակ: Աղջկերքին անբարոյական խոսքեր էին ասում, ասում էին` կտանենք կբռնաբարենք: ոստիկանի պահվա՞ծք է` աղջիկների մազերից քաշում էին… Սումգայիթից բեթար են անում»:
Նրա խոսքերով, իրեն ոչ քաղաքապետարանի տրանսպորտի վարչության պետի` Հենրիկ Նավասարդյանի, ոչ էլ այլ պաշտոնյաների հրաժարականը պետք չէ. «Ինձ պետք է բոլորի հրաժարականը: Նրանք ժողովրդի կողմից ընտրված չեն, նրանք կաշառքով են նստել` 10.000-ական դրամներ բաժանելով: Մարդկանց վախեցնելով, ստիպելով իրենց ընտրել են տվել, սպառնացել են` տունդ վարի կտանք»:
Նա նաեւ պատմեց, որ ինքը 3-րդ մասի բնակիչ է, ու Շենգավիթ համայնքի ավագանու ՀՀԿ-ական անդամները իրեն սպառնացել են. «Եկել են տուն ինձ վախեցրել են, թե ինչ գործ ունես ստեղ ես գալիս, ընտանիքիդ վարի կտանք»:
Կարդացեք նաև
Մանրամասները` տեսանյութում
Արփինե ՍԻՄՈՆՅԱՆ
Death to violent cops.