«Ազատություն» ռադիոկայան. Վրաստանի արտգործնախարարությունը բողոքի նոտա է հղել Ռուսաստանին այդ երկրի նախագահ Վլադիմիր Պուտինի Աբխազիա այցի կապակցությամբ: Այդ մասին այսօր հայտնել է Վրաստանի արտգործնախարար Մայա Փանջիկիձեն:
«Ինչ վերաբերում է Ռուսաստանի նախագահի Պիցունդա այցին, և հատկապես այսօր, դա հերթական սադրանքն է, և մենք արդեն բողոքի նոտա ենք հղել Ռուսաստանին Շվեյցարիայի միջոցով: Բնականաբար, այդ կերպ մեր կողմից դատապարտվում է տարածքային ամբողջականության և ինքնիշխանության ևս մեկ խախտում», – «Գրուզիա օնլայն» ինտերնետային պարբերականի փոխանցմամբ՝ հայտարարել է Փանջիկիձեն:
Պուտինը Պիցունդա է այցելել կիրակի օրը՝ Ռուսաստանի կողմից Աբխազիայի անկախության ճանաչման 5-րդ տարեդարձի կապակցությամբ:
Արման Հովհաննիսյան
