19-ամյա Ռուբեն Մինասյանը Բուլղարիայում կայացած հունահռոմեական ըմբշամարտի երիտասարդական աշխարհի առաջնությունում բրոնզե մեդալ նվաճեց՝ լրացնելով միջազգային մակարդակի սպորտի վարպետի նորմատիվը, իսկ 15 տարեկանում արդեն դարձել էր Ռուսաստանի սպորտի վարպետ: Գրում է «Յարոսլավսկի սպորտ» պարբերականը:
Նրա առաջին մարզիչն իր հայրն էր՝ ԽՍՀՄ սպորտի վարպետ Արթուր Մինասյանը: Այդ ժամանակ նրանք ապրում էին Վարդենիսում:
«Հունահռոմեական ըմբշամարտը ընկերության խորհրդանիշն է: Գորգի վրա բոլորս մրցակից ենք, իսկ գորգից դուրս բոլորս եղբայրներ ենք: Մի անգամ Ռուսաստանի առաջնությունում ես ստիպված էի մենամարտել իմ լավագույն ընկերներից մեկի՝ Տոլյատիից Արամ Հարությունյանի դեմ», – պատմում է Ռուբենը, – «Նա Ռուսաստանի եռակի չեմպիոն է, ինչպես նաև հաղթել է Բելառուսում, Ուկրաինայում, Վրաստանում անցկացված միջազգային առաջնություններում»:
Բացի ըմբշամարտից, նա հիանալի հրաձիգ է և երկար ժամանակ է անցկացնում տիրում: Նա գերազանց է ավարտել Մոսկվայի «Սպարտա» ֆիզկուլտուրայի քոլեջի մանկավարժական բաժինը: Այս տարի ընդունվել է Ուշինսկու անվան Յարոսլավլի պետական մանկավարժական ինստիտուտի ֆիզդաստիարակության բաժինը:
Կարդացեք նաև
Այժմ Ռուբենը պատրաստվում է Իվան Պոդուբնովի անվան միջազգային կարևոր մրցաշարին, որտեղ առաջին անգամ հանդես կգա մեծահասակների կազմում:
Պատրաստեց Հովհաննես ԻՇԽԱՆՅԱՆԸ
