«Փոխադրողների վիճակը գնալով բարդանում է, որը կապված է ուղեվարձի ցածր լինելու հետ: 100 դրամ ուղեվարձը չի ծածկում այն ծախսերը որը անում են ընկերությունները»,- այսօր «Ելակետ» մամուլի ակումբում ասաց Հայաստանի փոխադրողների միության նախագահ Հրանտ Եղիազարյանն ու ավելացրեց, որ ուղեվարձի պատճառով այսօր 23 երթուղիներ մնացել են դատարկ:
«Մենք դիմել ենք քաղաքապետին, որ մեր ընկերության անդամներին, նույնպես ներառեն իրենց հանձնաժողովի մեջ: Այդ ժամանակ կկարողանանք նորից հաշվարկներ անել ու ամեն ինչ տեղը գցել: Թե չէ, որ էսպես շարունակվի էդ 23-ի թիվը կավելանա»,- ասաց նա:
Ասուլիսին ներկա էր նաև «Արշակյան եղբայրներ» ընկերության տնօրեն Աշոտ Արշակյանը. «Ուղեվարձի ցածր լինելու հետևանքով գոյացել են և գոյանում են պարտքեր: Մենք դատական վեճերի մեջ ենք: Մեզ անգամ քաղաքապետարանն է դատի տվել: Դիզվառելիքը 100 դրամով թանկացել է, իսկ դիզվառելիքը սակագնի մեջ կազմում է 60-70 տոկոսը՝ կախված երթուղու երկարությունից: Սա է պատճառը, որ մեր բոլոր ունեցվածքները գրավի տակ են, բայց մենք պարտավորությունից դրդված շարունակում ենք աշխատել»,-ասաց տնօրենն ու ավելացրեց. «Իսկ ինչ վերաբերվում է երթուղայինների վատ վիճակում լինելուն, ասեմ, որ մենք ինչքան հնարավոր է ներդնում ենք մեքենաների վերանորոգման վրա, քանի որ մեր բոլորիս անվտանգությունը կախված է դրանցից»:
Իսկ այն հարցին, թե ի՞նչ կլինի, եթե սակագինը մնա նույնը, Հրանտ Եղիազարյանն ասաց. «Ամեն ինչ կոչնչանա և գյուղերից կբերենք սայլեր, որ սայլերով տեղաշարժվենք»:
Կարդացեք նաև
Վերջում Աշոտ Արշակյանն ավելացրեց. «Ավելի լավ է ուղեվարձը լինի 200 դրամ նստող չլինի, բայց վարորդ լինի, քան լինի 100 դրամ, բայց չունենանք վարորդներ»:
Քրիստինե ԳՐԻԳՈՐՅԱՆ
Նախ “գծատեր” ասված աղանդը վերացրեք: Մարշրուտկա կոչվածը ընդհանրապես պետք է արմատախիլ անել քաղաքի բնապատկերից:Թող հասարակական տրանսպորտի ողջ շահույթը մնա քաղաքի բյուջեին: Իսկ քաղաքապետարանը թող փոխադրամիջոցների մրցույթ հայտարարարի: Համոզված եմ Հայաստանում կան շատ հետաքրքիր գաղափարներով մարդիկ, որոնց ծրագրերը իրականություն չեն դառնում հայտարարված մրցույթների որպես կանոն ձևական լինելու պատճառով:
Ասա չեք դիմանում, սնանկ հայտարարվեք, ցրվեք տներով: Բիզնեսը ռիսկ է, սխալ հաշվարկ եք արել, սխալ եք գնահատել ռիսկերը ուրեմն տնտեսական կանոններով վնասով եք աշխատում – “տակ եք տալիս”: Ու եթե վատ կառավարման արդյունքում տակ եք տալիս, հասարակությունը պարտավոր չէ ձեզ փրկել, լուծարվեք, թող նոր ընկերություններ գան: