Այսօր Aravot.am-ի հետ զրույցում Գորիսի՝ 1992-94թթ քաղաքապետ, տարածաշրջանի ինքնապաշտպանության կոմիտեի համանախագահ Սամվել Հարությունյանը Սյունիքի նախկին մարզպետ Սուրիկ Խաչատրյանի հետ կապված նոր «կեղծիքների» մասին խոսեց, այս անգամ՝ կրթության դիպլոմ ձեռք բերելու հետ կապված:
Նրա խոսքերով՝ «Սուրիկ Խաչատրյանը եւ նրա բանդան հեղինակել են մի շարք սպանություններ, մահափորձեր, բազմաթիվ քաղաքացիների խոշտանգումներ, պետական եւ մեր ժողովրդի ունեցվածքի, մեր ազգային հարստության ավելի քան 200 մլն դոլարի կարողություններ:
Բազմաթիվ կեղծիքների հետեւանքով հանցագործություն կատարելու համար դեռ 1972 թ.-ին դպրոցից հեռացված Սուրիկ Խաչատրյանը նաեւ ապօրինի ճանապարհով, կեղծիքների հիման վրա 90-ականներին ձեռք է բերել միջնակարգ դպրոցի ատեստատ, համալսարանական դիպլոմներ, կառավարությանն առընթեր պետական կառավարման ակադեմիայի գերազանցության դիպլոմ, ՀՀ պետական բազմաթիվ պարգեւներ:
Ինչպես գիտեք, մայիսի 9-ին Սերժ Սարգսյանի հրամանագրով պատերազմի ընթացքում բազմաթիվ ձախողումների հեղինակ Սուրիկ Խաչատրյանը, որը, ինչպես լեգենդար Կոմանդոսն է ասում, մարտական գործողությունների չի մասնակցել եւ չի եղել որեւէ տեղ, պարգեւատրվել է «Մարտական խաչ» շքանշանով, այն դեպքում, երբ բազմաթիվ իրական հերոսներ մինչ օրս էլ անտեսված են եւ գտնվում են սոցիալական ծանրագույն կացության մեջ:
Կարդացեք նաև
Սուրիկ Խաչատրյանն ապօրինի ճանապարհով Երեւանի Մայր բուհի՝ պետական համալսարանի ռեկտորի համահեղինակությամբ հրատարակել է գրքեր, աշխատություններ: Ամո՛թ, Արամ Սիմոնյան, ինչպե՞ս եք կարողանում տրորել, ոտնահարել հայոց Մայր բուհի ռեկտորի բարձրագույն կոչումը»:
Հռիփսիմե ՋԵԲԵՋՅԱՆ
Ամոթը մարդուն հատւկ զգացում է: Հայաստանի բոլոր (գրեթե բոլոր) պաշտոնյաները բացարձակապես զուրկ են մարդուն կենդանիներից տարբերող բոլոր հատկանիշերից, հետևաբար՝ նրանց մարդ համարելը մեղմ ասած, մոլորություն է:
Այս պնդումը նրանք անընդհատ ապացուցում են, այնպես, որ մենք այստեղ կասկածներ ունենալու ոչ մի հիմք չունենք:
Լիսկան ավարտել է՝ պետական կառավարման «ակադեմիան» գերազանցության դիպլոմ:
Առաջին անգամ եմ լսում որ 6-րդ դասարանը չավարտած գիտունիկը ակադեմիկոս դառանա:
Բայց էմ իմանալով «ակադեմիա» ավարտած աշակերտը ակադեմիկոսի կոչում է ստանում:
Ուրեմն լիսկան ԱԿԱԴԵՄԻԿՈՍ է: Հետաքրքիր է քանի՞ ՀՀԿ-ական ակադեմիկոս կա ԱԺ-ում:
Երևի ակադեմիան բանտում նստած ժամանակ է ավարտել՝ այ դա լրիվ հնարավոր է՝ ադաբրյամ:
Որքան էլ փորձենք հումորով արտահայտվել որ ծանր չլինի, միևնունն է, վիճակը՝ ողբերգական է,
հատկապես երբ տեսնում ենք ով է լիսկայի ընկերը:
Երևի Սերժն էլ է լիսկայից վախենում,կամ էլ Լիսկան մի այնպիսի մի բան գիտի Սերժի անցյալի մասին, ու այն հրապարակելու շանտաժով վերջինիս դարձրել է իր գերին…Ուրիշ կերպ հնարավոր չէ բացատրել այդ այլանդակ մտերմությունը դրանց միջև: