amerikayidzayn.com. Միացյալ Նահանգների պատմության մեջ «Վիքիլիքս» կայքին գաղտնի փաստաթղթեր տրամադրելու միջոցով գաղտնի տեղեկությունների ամենախոշոր արտահոսքն իրականացրած զինծառայող Բրեդլի Մենինգը չորեքշաբթի օրը դատապարտվել է 35 տարվա ազատազրկման:
Դատավոր Դենիս Լինդը, որն անցյալ ամիս մեղավոր է ճանաչել Մենինգին վերջինիս դեմ ներկայացված 20 մեղադրանքով, ներառյալ լրտեսության և առևանգման մեղադրանքները, կարող էր ամբաստանյալին դատապարտել 90 տարվա ազատազրկման: Դատավարության ընթացքում մեղադրանքի կողմը պահանջել էր Մենինգին դատապարտել 60 տարվա ազատազրկման:
25-ամյա Մենինգը, դատավորի վճռի համաձայն, կենթարկվի ԱՄՆ-ի զինված ուժերի շարքերից անարգ զորացրման և կվերադարձնի ծառայության ընթացքում իրեն վճարած գումարի որոշ մասը: Նրա զինվորական կոչումը ներկայիս առաջին կարգի շարքայինի կիջեցվի շարքայինի կոչման:
Բրեդլի Մենինգը ներման իրավունք կստանա դատավճռի մեկ երրորդը կրելուց հետո: Նրա դատավճիռը կնվազեցվի բանտում արդեն իսկ անցկացված ժամանակով և ևս 112 օրով:
Մանրամասները՝ amerikayidzayn.com-ի կայքում
