«Ասպարեզ» օրաթերթի ունեցած տեղեկություններով այսօր առավոտից, երկաթգծի Արտենի կայարանում քանդում են երկաթուղու գծերից մեկը, որը նորոգվել էր մեկ տարի առաջ: Ըստ տեղեկությունների, պատրաստվում են այստեղ թողնել մեկ երկաթգիծ եւ երկաթուղային կայարանը՝ գործազուրկ թողնելով կայարանի հինգ աշխատողներին: Ինչպես նշեց Արտենիի կայարանապետը երկաթգիծը քանդելու աշխատանքները ռուսական կողմն է կատարում:
-Կապիտալ վերանորոգում են արել, գումարը հատկացրել, կերել են, հիմա էլ անօրինական քանդում են,-իրավիճակը ներկայացնում է Արթուր Առաքելյանը,-մենք էլ չեն ուզում, մեր աշխատատեղերը կրճատում են, մեզ գործից հանում են:
2005 թվականից գործող կայարանի երկաթուղու գծի քանդելու մասին կայարանապետը տեղեկացել է օգոստոսի 20-ին. «երեկ երեկոյան ժամը 17:27-ին հրաման տվեցին, առավոտյան եկել են քանդելու»:
Կայարանապետը այս մասին իրազեկել է եւ ՀՀ Ազգային անվտանգության ծառայությունը, եւ ոստիկանությանը, եւ իշխանություններին: Զանգահարել է նաեւ ՀՀ Տրանսպորտի եւ կապի նախարարություն:
Կարդացեք նաև
Արտենիի բնակիչները եւս դժգոհ են, նրանք հավաքված են կայարանում: Իրավիճակը, ըստ մեր զրուցակիցների կարող է սրվել:
Ալիսա Հակոբյան
Քաղվածքը` «Կոլաժի» քարտեզից
