2003-2004թթ. Լինսի հիմնադրամի միջոցներով կառուցվեց Նոյեմբերյան-Իջեւան ավտոճանապարհի Ոսկեպար-Կիրանց շրջանցիկ, շուրջ 11 կմ երկարությամբ հատվածը: Նախկին, խորհրդային տարիներին կառուցված շուրջ 4 կմ երկարությամբ ճանապարհը ձգվում էր սահմանագոտով եւ խոցելի է ադրբեջանական գնդակոծության համար: Շրջանցիկ ավտոճանապարհը եւս որոշ տեղերում ձգվում է նախկինում Ադրբեջանի տարածք հանդիսացած հատվածներով: Այն լիովին չի ապահովում միջպետական ավտոճանապարհի այս հատվածով երթեւեկողների անվտանգությունը, քանի որ ավտոտրանսպորտը խոցելի է ադրբեջանական տանկերի եւ հրետանու կողմից:
Լրացուցիչ 7 կմ անցնող, բարձունք հաղթահարող, այս հատվածում ձմռան սառցակալումների ժամանակ դժվարություններ կրող վարորդները հաճախ ոչ բարի խոսքերով են հիշում Ռոբերտ Քոչարյանին, ում նախագահության տարիներին կառուցվեց շրջանցիկ երկար ճանապարհը: Նրանք կարծում են, որ կարելի էր ավելի ցածրադիր տեղանքով, ավելի կարճ եւ անվտանգ ճանապարհ կառուցել:
2008թ. նախագահական ընտրարշավի ժամանակ Նոյեմբերյան քաղաքում ունեցած իր ելույթում շրջանցիկ այս ավտոճանապարհին, վարորդների կողմից վառելիքի լրացուցիչ ծախսին քննադատաբար անդրադարձավ Լեւոն Տեր- Պետրոսյանը:
Կարդացեք նաև
Ոսկան ՍԱՐԳՍՅԱՆ
