Ամերիկյան «Հանուն խաղաղության հիմնադրամ»-ն օգոստոսի 20-ին հրապարակել է 2013թ. ձախողված երկրների ցանկը, որտեղ Հայաստանը զբաղեցնում է 105-րդ տեղը:
Ցանկը կազմելու համար հաշվի է առնվել բնակչության 12 գործոն, այդ թվում` ժողովրդագրությունը, փախստականները և ներքին տեղահանվածները, ժամանակավոր կամ կայուն արտագաղթը, խմբերի դժգոհությունները, անհավասար տնտեսական զարգացումը, տնտեսական անկումը, պետական իշխանության օրինականությունը, հանրային ծառայությունների վատթարացումը, մարդու իրավունքների խախտումներն ու օրենքի գերակայությունը, անվտանգության մարմինների գործունեությունը, արտաքին ուժերի կողմից սպառնալիքները:
Հայաստանի բոլոր հարևանները, ըստ ցուցակի, առավել ձախողված են: Իրանը զբաղեցրել է 37-րդ տեղը, Վրաստանը` 55-րդ, Ադրբեջանը` 76-րդ, Թուրքիան` 86-րդ: Ռուսաստանը զբաղեցրել է 80-րդ տեղը
Ամենաչձախողված երկրներն են Ֆինլանդիան, Շվեդիան, Նորվեգիան, Շվեյցարիան:
Կարդացեք նաև
Պատրաստեց Հովհաննես ԻՇԽԱՆՅԱՆԸ
