«Հիմա ավելի հանգիստ եմ տանում հաղթանակը, սովորել եմ հաղթողի դերում լինել»,-ասաց Վինդսերֆինգի քառակի մրցանակակիր Ստեֆանի Գևորգյանը:
Արդեն 6 տարի է, ինչ գոյություն ունի Վինդսերֆինգի ակումբը, որտեղ ամեն տարի անցկացվում են մրցումներ: Լավագույնները կազմում են հավաքականներ և մասնակցում միջազգային մրցումների: Այսօր ևս Սևանի Վինդսերֆինգի ակումբում անցկացվեց միջոցառում, որտեղ ՄԱԿ-ի հիմնադրամի անդամները այս տարվա մրցույթի հաղթողներին պարգևատրեցին ՄԱԿ-ի հրատարակություններով:
Երեխաներին ողջունեցին իրենց մարզիչներն ու հպարտությամբ ասացին, որ մյուս տարի, նույնպես, կցանկանան պարապել նույն անդամների հետ: Իսկ Մհեր Թովմասյանը, որը ակումբի նախագահն է, բացեց սերֆինգի՝ որպես գրավիչ սպորտաձև լինելու գաղտնիքը. «Ամենագայթակղիչ բանը բնությանը մոտ լինելն է: Եթե դու քո ձեռքերով կարողանում ես սանձել քամին և ընթանալ հսկայական ալիքների միջով դա արդեն նշանակում է, որ մերվում ես բնությանը, իսկ ամենամեծ հաճույքը բնությանը մոտ լինելն է»:
Վերջում երիտասարդ սերֆինգիստները ցուցադրեցին իրենց վարպետությունը:
Կարդացեք նաև
Քրիստինե ԳՐԻԳՈՐՅԱՆ
