Նստացույցի մասնակից Վահագն Մինասյանը անհիմն է համարում ՀԱԿ փոխնախագահ Լեւոն Զուրաբյանի պնդումը, թե իրենց մեջ կան իշխանության գործակալներ, դրա համար էլ մեղմ պահանջներ են առաջ քաշում:
«Զուրաբյանին կխնդրեի, հրապարակեր նրանց անունները, որոնք իր կարծիքով իշխանական թեւին են պատկանում եւ մեր մեջ են, որ շարժումը ուղղորդեն կամ փչացնեն»,- ասաց Վահագն Մինասյանը:
Ակտիվիստը չի կարծում, թե իրենց պահանջները մեղմ են ու նման տեսակետ հայտնողների համար նորից կրկնեց. «Պահանջները շարժման տրամաբանական շարունակությունն են, այս երկու պաշտոնյաները հակասահմանադրական հանձնարարական ստանալուց հետո չեն գործել ըստ համապատասխան ընթացակարգի, հանրության հետ փոխհարաբերություններում էլ թույլ են տվել համայնքային ծառայողի էթիկայի կոպիտ խախտում, ինչը մենք չենք հանդուրժի: Իսկ ինչու ավելի ցածրաստիճան պաշտոնյաների հրաժարականն ենք պահանջում, որովհետեւ, իմ կարծիքով, հեղափոխությունը պետք է սկսել ներքեւից: Եթե ցածրաստիճան պաշտոնյան գործիք է բարձրաստիճան պաշտոնյաների ձեռքում, ապա եթե դու խլում ես ռեժիմի ձեռքից իր գործիքները, մնում է առանց ոչ մի բանի»:
Մանրամասները՝ տեսանյութում
Կարդացեք նաև
Արփինե ՍԻՄՈՆՅԱՆ
