«Այս տխրահռչակ օրենքի հեղինակները խաբեբաներ են: Նրանք խաբել են նաեւ երկրի նախագահին: Օրենքը քաղաքական է, քանի որ պայքար կա ընդդեմ հայ ընտանիքի»,-այսօր լրագրողների հետ հանդիպման ժամանակ գենդերային օրենքը հետաձգելու պահանջի մասին նշեց գրող, հրապարակախոս Լիա Ավետիսյանը:
Նրա խոսքով, հայոց լեզուն ունի 144 հազար բառ եւ հանկարծ հայ ժողովուրդը պետք է օտարերկրյա գենդեր բառը որդեգրի եւ գնա առաջ:
«Այս օրերին չինովնիկները հետողորմյա են անում, այլասերումը վնասակար եւ վնասաբեր է մեր ազգի համար: Ընտանիքի մշակույթի հնագույն տերն ենք՝ մենք իրավունք չունենք պղծելու սրբազան ընտանիքը»:
Երգիչ, ազատամարտիկ Դավիթ Ամալյանի (լուսանկարում) խոսքով՝ «Երկիրը երկիր կդառնա ընտանիքի մոդելը կառուցելուց: Կորցնելով մեր մշակույթը, մենք վերածվում ենք արհեստականի՝ երկնային իրականության դեմ չպետք է պայքարել: Կա երեք տիտղոս՝ մարդ, սեր, ազգություն»:
Կարդացեք նաև
Նոր Վարդանանք հ/կ նախագահ Վարդան Հովհաննիսյանի համոզմամբ սա քաղաքական շարժում չէ՝ ազգային շարժում է.
«Հայաստանը դրախտի եւ մարդկության փրկության երկիրն է: Մանկապղծությունն օրինականացվում է: Մենք երկիրը պաշտպանելու պարտականություն ունենք: Հայաստանը լինելու է այն լույսի աղբյուրը, որից լուսավորվելու է ամբողջ աշխարհը, սա շատ վճռական ճակատամարտ է: Վարդանանց պատերազմ է սկսվելու»:
Անժելա ՇԱՀՈՒՄՅԱՆ
