Դամասկոսի մէջ «Ազդակ»-ի թղթակիցը կը հաղորդէ, որ Սուրիոյ մէջ մղուող պատերազմի ընթացքին, օրեր առաջ սուրիական բանակին մէջ ծառայող հալէպահայ զինուոր Վրէժ Քէշիշեան (1992 թուականի ծնունդ) նահատակուած է Համայի եւ Մաարայի մօտ շրջանին մէջ ծաւալած մարտերուն ընթացքին:
Նահատակին դիակը բերուած է Դամասկոս, ուր նաեւ կը գտնուին իր ծնողները:
Վրէժ Քէշիշեանը Հալէպի Ազգային Քարէն Եփփէ Ճեմարանի շրջանաւարտ է եւ ՀՄԸՄ-ի անդամ:
Յուղարկաւորութեան արարողութիւնը պիտի կատարուի շաբաթ օր` Դամասկոսի Ս. Սարգիս եկեղեցւոյ մէջ, իսկ թաղումը պիտի կատարուի Դամասկոսի Հայ առաքելական գերեզմանատունը:
