«Մեր բանակը ամրոց է պետության մեջ: Ով չի ուզում ապրել մեր ամրոցի օրենքներով, կգնա ապրելու ուրիշ օրենքներով՝ բերդի օրենքներով»,-«Բազե» երիտասարդական հավաքի մասնակիցների հետ հանդիպմանը հայտարարեց ՀՀ պաշտպանության նախարար Սեյրան Օհանյանը՝ անդրադառնալով բանակում հանցածին տարրերի ներմուծմանը և առկայությանը:
Հիշեցնելով այն, որ մեր երկիրը գտնվում է ոչ պատերազմ ոչ խաղաղություն իրավիճակում նախարարն ասաց, թե իրեն հաճախ են հարցնում՝ եթե հանկարծ անհրաժեշտ լինի, մտնենք պատերազմի մեջ արդյոք մատաղ սերունդն ու երիտասարդները կկարողանա՞ն նույն ոգով ու անձնազոհությամբ պաշտպանել մեր հայրենիքը: Պարոն Օհանյանը վստահ է, որ պետք լինելու դեպքում մեր երիտասարդներն ավելի նվիրված են լինելու և ավելի լավ պաշտպանելու մեր հայրենիքը:
Անդրադառնալով «պարտադրված պատերազմին»՝ նախարարը նշեց. «Ղարաբաղի ինքնորոշմանը նրանք հակադրեցին պարտադրված պատերազմը, և այդ պարտադրված պատերազմում կարողացանք միահամուռ ուժերով տանել հաղթանակ»:
Անդրադառնալով այն խնդրին, որ Ադրբեջանը չի ցանկանում զերծ մնալ դիվերսիոն հետախուզություններից, չեն ցանկանում դիպուկահարներին ետ տանել, նշեց. «Ադրբեջանի պաշտպանության նախարարին, որը վաթսունն անց է, ասում եմ, եթե Դուք կոմպլեքս ունեք, ես պատրաստ եմ հեռախոսը առաջինը վերցնել և զանգել Ձեզ: Ես այդ կոմպլեքսը չունեմ, դա հաղթահարվել է ԼՂ պատերազմում տարած մեր հաղթանակով: Առաջին գծում մեր ծառայությունը բարձր մակարդակի ենք իրականացնում»:
Կարդացեք նաև
Տաթև ՀԱՐՈՒԹՅՈՒՆՅԱՆ
