«Զավեշտալի էր Լավրովին պիտակավորելը, չեմ կարծում, որ հաղորդավարը կարող էր այդպիսի սխալ թույլ տալ, բառը շփոթել, որովհետեւ այդպիսի դեպքերում սխալներ չեն լինում, փորձում են խայթել… Թե ինչ արդյունք կտա ԱԳ նախարարին այդպես վիրավորելը չգիտեմ, բայց սա ժեստ էր, պատահական չէր, ու ուղղված էր նրան ցույց տալու, որ Ադրբեջանը անկախ խաղացող է: Չգիտեմ, նրան վիրավորելու համար գուցե դեր խաղաց այն, որ Լավրովը հայկական ծագում ունի, բայց, որ պետական պաշտոնյային են այդպես խայթում, ուրեմն դա ուղղված է պետության դեմ»,- այսօր «Արմատ» ակումբում ասաց ադրբեջանագետ Սարգիս Ասատրյանը անդրադառնալով Բաքվում ՌԴ արտգործնախարարին Սերգեյի փոխարեն «սիկտիրով» դիմելուն:
Ասատրյանի ձեւակերպմամբ` եթե անգամ լեզվաբանորեն էլ վերլուծես, միեւնույն է դժվար է Սերգեյը շփոթել այդ բառի հետ:
Եվա ՀԱԿՈԲՅԱՆ
