Azatutyun.am. «Թյուրքական աշխարհի բոլոր նշանակալի հարցերը գլխավորում է Լեռնային Ղարաբաղի հիմնախնդիրը: Ադրբեջանի հողերի օկուպացման կապակցությամբ ստեղծված իրադրությունը անընդունելի է», – հայտարարել է Թուրքիայի նախագահի Աբդուլա Գյուլը՝ ելույթ ունենալով թյուրքալեզու պետությունների գագաթնաժողովում:
Ադրբեջանական Գաբալա քաղաքում անցկացվող հանդիպման ժամանակ իր ելույթում Գյուլը ասել է նաև, թե Լեռնային Ղարաբաղի հիմնախնդիրը պետք է լուծվի ամենակարճ ժամկետներում:
«Մենք մեր ուժերի ներած չափով կաջակցենք խաղաղ ճանապարհով, Ադրբեջանի տարածքային ամբողջականության շրջանակներում այդ հիմնախնդրի լուծմանը: Ցանկանում եմ, որպեսզի թյուրքալեզու պետությունների համագործակցության խորհրդի գագաթնաժողովը ապագայում անցկացվի Լեռնային Ղարաբաղում», – APA լրատվական գործակալության փոխանցմամբ՝ հայտարարել է Թուրքիայի նախագահը:
