Այսօր «Զարկերակ» ակումբում քաղաքագետ Ստեփան Գրիգորյանը խոսեց Պուտինի` Բաքու այցելության ու հայ-ռուսական եւ ռուս–ադրբեջանական հարաբերություների վրա դրա ազդեցությունը թեմայով:
«Կարծում եմ այս այցելության ժամանակ երկու հարց էր հուզում Ռուսաստանին, առաջինն այն էր, որ Ադրբեջանը այլընտրանքային ճանապարհով գազ ու նավթ է մատակարարում Եվրոպա, երկրորդն էլ այն, որ գիտենք, որ Ադրբեջանի քաղաքականությունը հստակ է` Բաքուն չի մասնակցում ինտեգրացիոն պրոցեսներին»,- ասաց Ստեփան Գրիգորյանը՝ նշելով, թե այն խնդիրների շուրջ, որ խոսեցին երկու երկրների նախագահները, փաստաթղթեր ստորագրեցին, դա որոշիչ չէր:
Գրիգորյանի խոսքով` Ռուսաստանի կողմից զենքի վաճառքը Պուտինի այցելության համար դրական ֆոն ապահովելն էր: Արդյունքում` Բաքուն, միեւնույն է, վերը նշված հարցերի հետ կապված չփոխեց իր որոշումը, Ռուսաստանն էլ իր հերթին Ղարաբաղի հետ կապված որոշում չփոխեց, այսինքն` սկզբունքային որոշումներ չընդունվեցին: «Ակնհայտ է, որ առաջիկայում Ղարաբաղի հարցի հետ կապված Ռուսաստանի դիրքորոշումը չի փոխվի, այսինքն` նորից Հայաստանը մնում է Ռուսաստանի ռազմավարական գործընկերը տարածաշրջանում»,- հավելեց Ստեփանյանը:
Գրիգորյանի խոսքով` Ադրբեջանում միշտ կարծրատիպ կար, որ առանց Ադրբեջանի մենք Ղարաբաղի հարցը չենք կարող լուծել, բայց այս հանդիպման ժամանակ դա չնկատվեց:
Կարդացեք նաև
Եվա ՀԱԿՈԲՅԱՆ
