Երեւան քաղաքի վարչության Շենգավիթի բաժնի Չարբախի բաժանմունքի պետի տեղակալ նշանակված «Դոգ» մականունով հայտնի Վարդան Ղուկասյանն կադրերի ռեզերվ ուղարկվելուց հետո հանգստանում էր, իսկ այժմ վերադարձել է աշխատանքի: NEWS.am-ի թղթակցի հարցին, թե արդյոք սկանդալային միջադեպերից հետո արդարացի՞ էր համարում իր` ոստիկանական համակարգում աշխատանքից անցնելը, նա պատասխանեց. «Իսկ դուք ո՞նց էիք ուզում եւ ինչպե՞ս պետք է վարվեն 16 տարի հայրենիքին ծառայած սպայի հետ, որը ոչ մարդասպանություն է գործել, ոչ էլ ծանր հանցանք»:
Իսկ թե այսուհետ ինչպես է լրագրողների հետ իր հարաբերությունները կառուցելու, Վարդան Ղուկասյանը նշեց. «Ես լրագրողների հետ չեմ շփվելու, դա իմ ֆունկցիաների մեջ չի մտնում: Ես լրագրողներին միշտ հարգել եմ, ընդունել եմ, շատ լավ հարաբերություններ եմ ունեցել, ունեմ լրագրող ընկերների բավականին լայն շրջանակ»:
Հիշեցնենք, որ Վարդան Ղուկասյանը աշխատանքից հեռացվել էր Հյուսիսային պողոտայում «Հետք» էլեկտրոնային պարբերականի լրագրող Անի Հովհաննիսյանի հետ ունեցած միջադեպի պատճառով: Դոգը հրել եւ վիրավորել էր լրագրողին, որից հետո մեծ աղմուկ էր բարձրացել:
Նյութի մանրամասները կարդացեք սկզբնաղբյուր կայքում
ԻՍԿ ՔԱՆԻ ՀՈԳՈՒ ՃԱԿԱՏԱԳՐԻ ՀԵՏԵՍ ԽԱՂԱՑԵԼ? ՔԱՆԻՍԻ ՃԱԿԱՏԱԳԻՐՆԵՍ ՓՉԱՑՐԵԼ?