Իջեւան քաղաքի հարավային մուտքի մոտ գտնվում է քաղաքի պատմաերկրագիտական թանգարանը: Թանգարանի տնօրեն Նարիման Թանանյանը մեծ դեր է կատարել ցուցանմուշները համալրելու, դրանք այցելուներին հավուր պատշաճի ներկայացնելու համար:
Ընդամենը 75 քառակուսի մետր մակերես ունեցող թանգարանում ներկայացված է շուրջ 1000 ցուցանմուշ: Թանգարանում շատ են Հայաստանի խորհրդայնացման վերաբերյալ ցուցանմուշները, այստեղ են գտնվում Սարգիս Կասյանի հեռախոսները, նաեւ Մորզեի այբուբենով գործող հեռագրասարքը, որով Կասյանը 1920 թ. նոյեմբերին Հայաստանի հեղկոմի անունից Լենինին հեռագրել է Հայաստան 11-րդ Կարմիր բանակի մտնելու մասին: Թանգարանի տնօրեն Ն. Թանանյանն ասում է, որ այցելուները շատ են:
Թանգարանի տարածքը ցանկապատված չէ, կովերն արածում են շենքի առաջ:
«Թանգարանի պահակը ստիպված նաեւ անասնապահ է աշխատում, հալածում շենքի առաջ հայտնված կովերին».-ասում է Ն. Թանանյանը:
Ոսկան ՍԱՐԳՍՅԱՆ
