Օգոստոսի 17-ին Բուլղարիայի մայրաքաղաքում կտրվի ազատ ոճի աշխարհի երիտասարդական առաջնության մեկնարկը, որին եւս Հայաստանը մասնակցելու է:
Մեր 18-20 տարեկանների հավաքականի ավագ մարզիչ Ավետիք Վարդանյանն իր թիմի հետ արդեն մի քանի օր գտնվում է Սոֆիայում: Նա հավաքականում ընդգրկել է յոթ ըմբիշի. Արտակ Հովհաննիսյան` 55 կգ քաշային կարգ, Աշոտ Վելիցյան` 60 կգ, Արեն Ալեքյան` 66 կգ, Գեւորգ Համբարձումյան` 74 կգ, Շամիր Աթյան` 84 կգ, Վիկտոր Կազիշվիլի` 96 կգ եւ Համլետ Աբրահամյան` 120 կգ:
Ի՞նչ ակնկալել մեր երիտասարդ ազատ ոճայիններից: Իհարկե, հաջող մասնակցություն, թեեւ Ավետիք Վարդանյանը չի սիրում նախապես խոստումներ տալ: Հայաստանի ազատ ոճային ըմբիշները վերջին շրջանում սկսել են անհամեմատ հաջող հանդես գալ պաշտոնական մրցումներում: Բավական է ասել, որ հավաքականի յոթ անդամներից հինգն այս տարիքային խմբում Եվրոպայի անցած կամ այս տարվա առաջնության մեդալակիրներ են:
Վաղը կշեռքի օրն է, իսկ հաջորդ օրը կտրվի մեկնարկը:
Կարդացեք նաև
Աշոտ ՀԱԿՈԲՅԱՆ
