«Առաջ Հայաստանը սրընթաց հետ գնաց, ապահով Հայաստանից մարդիկ ճամպրուկներով փախչում են, չեն կարողանում կանգնեցնել, պարզ է, որ պետք է նոր ուժ ստեղծեն, որ մասնակցեն ընտրություններին»,- այսօր «Հայելի» ակումբում ասաց նախկին ՀԱԿ անդամ, քաղաքական գործիչ Գուրգեն Եղիազարյանը:
Նա առաջարկեց ընդդիմադիրներին, որ ստորագրեն մի պայմանագիր, որ իշխանափոխությունից հետո չեն գա պաշտոնների, միայն թե երկիրը փրկեն. «Ես էլ պաշտոն չեմ ուզում: Ես էլ իշխանափոխությունից հետո դա առաջարկում եմ, պատրաստ եմ համագործակցել բոլորի հետ, միայն այս տզրուկներից ազատվենք»:
Նա հարցին, թե հիմա դուք որ ճամբարում եք՝ պատասխանեց. «Միմիայն այն ճամբարում, որը դեմ է Սերժ Սարգսյանին»:
ՀՀԿ պատգամավոր Լեռնիկ Ալեքսանյանն էլ ասաց, որ հեղափոխություն, նման ծայրահեղ բաները չի ընդունում. «Էդ ո՞ւմ եք բերելու, ի՞նչ է, հրեշտակնե՞ր են լինելու: Այսօր մեր երիտասարդները ցույց են անում, գտնում է, որ ինքը ուժ է: Սա այսօրվա իշխանությունների առաջընթացը չի՞: Ի՞նչ եք ուզում: Ասեք տեսնենք ովքե՞ր պիտի գան»:
Կարդացեք նաև
Գուրգեն Եղիազարյանը չհամաձայնեց. «Այ մարդ, երեխեքին արդեն հոգնեցրել եք, ստիպված դուրս են եկել փողոց: Էդ դեպքում ինչի՞ եք տրանսվիստիտ, բան-ման ուղարկում էդ երեխեքի մոտ: Մենք հրեշտակներին կբերենք Սուրբ Սարգիս»:
Հռիփսիմե ՋԵԲԵՋՅԱՆ
Բայց Հայաստանի ժողովուրդը երբ է հրեշտակներ ուզել, մենք սովորական մարդիկ ենք ուզում, ոչ թե սատանաներ: