Ըստ «Դատալեքս» տեղեկատվական կայքի, Վանաձոր քաղաքի բնակիչ, 1985 թ. ծնված Կամո Միրզոյանին մեղադրանք է առաջադրվել այն բանի համար, որ նա հյուրընկալվելով իր զոքանչի՝ Տավուշի մարզի Բերդ քաղաքի բնակչուհի, 1968թ. ծնված Ռոզա Դանիելյանի բնակարանում եւ հաստատապես իմանալով վերջինիս տանը գտնվող գումարի եւ արժեքավոր իրերի պահման վայրը՝ 2013թ. մայիսի 20-ի երեկոյան, ուրիշի գույքին տիրանալու դիտավորությամբ, գաղտնի պահոցից հափշտակել է 600 հազար դրամ եւ ծախսել իր կարիքների համար:
Կ. Միրզոյանին մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 2-րդ կետով («Գողություն, որը կատարվել է խոշոր չափերով»): Նախկինում դատված Կ. Միրզոյանի հանդեպ, որպես խափանման միջոց, ընտրվել է չհեռանալու մասին ստորագրությունը: Սույն քրեական գործով դատավարությունն ընթանում է Տավուշի մարզի առաջին ատյանի դատարանի Բերդի նստավայրում:
Ոսկան ՍԱՐԳՍՅԱՆ
