Մինչ Հայաստանը մտածում է` միանալ Ռուսաստանի առաջարկած Մաքսային միությանը, թե ոչ, Քաղաքագետների միության նախագահ Հմայակ Հովհաննիսյանի կարծիքով, մեզ դուրս դնելով Մաքսային միությունից, անջրպետ ենք ստեղծում մեր եւ մեր 2 միլիոն հայրենակիցների միջեւ, ովքեր ապրում են այսօր Ռուսաստանում:
«Պրոբլեմն այն է, որ մենք շուտով մեր պատմության մեջ հերթական անգամ կդառնանք բաժանված ազգ, քանզի 2015 թվականի հունվարի մեկից Ռուսաստանը միգրացիոն նոր կարգ է պատրաստվում ներդնել` համաձայն որի`Մաքսային միության մեջ չմտնող երկրների աշխատանքային միգրանտները պետք է արտաքսվեն Ռուսաստանից»,-Aravot.am-ի հետ զրույցում ասում է Հմայակ Հովհաննիսյանը:
Ըստ նրա` «եթե հաշվի առնենք այն տնտեսական իրավիճակը, որը գոյություն ունի մեզանում, ապա այն հղի է աղետալի հետեւանքներով:
«Այս եւ այլ նմանատիպ սահմանափակումները հղի են մեզ համար աղետալի հետեւանքներով: Այդ հետեւանքները չեն շրջանցի ոչ մարզերը, ոչ մայրաքաղաքը: Մեզ դուրս դնելով Մաքսային միությունից, մենք անջրպետ ենք ստեղծում մեր եւ մեր 2 միլիոն հայրենակիցների միջեւ, ովքեր ապրում են այսօր Ռուսաստանում, եւ հաշվի առնելով Հայաստանի ներկայիս տնտեսական վիճակը, նույնիսկ ուծացման գնով կձգտեն մնալ Ռուսաստանում: Մենք մեր ազգի կեսին կարող ենք կորցնել»,-եզրափակում է նա:
Կարդացեք նաև
Անուշ ԲՈՒԼՂԱԴԱՐՅԱՆ
