Ազատության հրապարակը շուտով կհամալրվի 3D նկարով: Այս մասին «Առավոտ երիտասարդականը» զրուցեց նկարիչներից մեկի՝ Էլիսոնի հետ, ով առաջին անգամ էր 3D նկարում. «Քաղաքապետարանի կողմից հրավիրված է Նիկոլայը, ով պետք է 3D նկար աներ, մենք էլ սկսնակ նկարիչներ ենք, եկել ու փորձում ենք մեր ուժերը այս ձևաչափում», – ասաց նա: Խ. Աբովյանի անվան հայկական պետական մանկավարժական համալսարանի գեղարվեստի ֆակուլտետի ուսանողներ են, աշխատանքն էլ մեծ ոգևորությամբ են անում: «Նկարում պատկերված է կրիա, որը մեջքին շենքեր դրած տանում է իր հետ, – նշեց Էլիսոնը, – մարդիկ կարող են տարբեր տեղերում կանգնել ու նկարվել, ինձ թվում է նկարը հետաքրքիր է թե՛ երեխաների, և թե՛ մեծահասակների համար»:
Տիգրանուհի Թասլակյան
