Հայաստանում դեմոգրաֆիական խնդիրը վաղուց է հասել ազգային անվտանգության սպառնալիքի մակարդակի, եւ այդ հարցում սպառնալիքը կրկնակի է նաեւ այն առումով, որ դա խորանում է նաեւ Հայաստանի ռազմավարական գործընկերոջ՝ մեր անվտանգության երաշխավոր դարձած Ռուսաստանի ջանքերով, գրում է 1in.am-ը:
Կայքը շարունակում է. Շատերին է արդեն հայտնի, որ ռուսները Հայաստանում սոցիալապես անապահով խավերից մարդիկ են հավաքագրում իրենց անբնակ շրջանները բնակեցնելու համար: Այսինքն՝ ռուսները Հայաստանը դատարկում են, որ իրենց ժողովրդագրական խնդիրները լուծեն: Այդ անհեթեթ եւ վտանգավոր գործընկերությանը մենք առիթ ունեցել ենք անդրադառնալու: Այստեղ հանցավոր դիրքը պատկանում է Հայաստանի իշխանությանը, որը ռուսներին թույլ է տալիս դատարկել Հայաստանը:
Եվ շատերին կարող է թվալ, որ սա Հայաստանի իշխանության Ռուսաստանի դեմ անզորության հերթական վկայությունն է: Իրականում նման բան չկա, ոչ մի անզորություն էլ չկա այստեղ: Այստեղ հենց Հայաստանի իշխանության հաշվարկն է` Հայաստանը հնարավորինս դատարկել սոցիալապես անապահով խավերից: Իշխանությունն իրեն ազատում է պոտեցիալ դժգոհողներից: Այսինքն՝ իշխանությունները համաձայն են, որ Հայաստանի ժողովուրդը հեռանա այս երկրից, թողնի երկիրը դատարկ, միայն թե իրենք չհեռանան իրենց պաշտոններից: Իսկ դատարկ երկրի հարցերն իրենք կլուծեն՝ բնակեցնելով այն օտարազգիներով:
Կարդացեք նաև
Հոդվածն ամբողջությամբ` սկզբնաղբյուր կայքում
