«Անհրաժեշտ է միահամուռ հավաքվել եւ պայքարել՝ խնդիրը բոլորինս է: Թանկացումը միայն առաջին կուրսեցիների համար է, բայց միեւնույն է դա խնդիր է»,-այսօր լրագրողների հետ հանդիպման ժամանակ ԲՈՒՀ-երի վարձավճարների բարձրացման մասին նշեց ՀՀ նախագահին առնընթեր Հանրային խորհրդի ենթաժողովի նախագահ Հռիփսիմե Մարգարյանը:
Նրա խոսքով, պրոֆեսոր-դասախոսներ կան, որոնք ստանում են ընդամենը 50-60 հազար դրամ աշխատավարձ, ինչը պարզապես ծիծաղելի է: Պետք է բարձրացնել աշխատավարձերը, բայց ոչ ուսանողների հաշվին: Դասադուլի գաղափարին կողմ պետք չէ լինել, դա լուծում չէ:
Ենթաժողովի անդամ Արման Ղազարյանի պնդմամբ, մեր իշխանությունը խթանում է կոնֆլիկտային խնդիրներին, կոնֆլիկտ կա հասարակության,պետության, դասախոսների միջեւ. «Ուսանողները գալիս են համալսարան ապագա կառուցելու համար, բայց այսօր իրենց ապագան կասկածելի է: Եթե այսպես շարունակվի, ուսանողներն իրենք կգնան կոնֆլիկտային քայլերի, եկեք խուսափենք կոնֆլիկտից»:
Կարդացեք նաև
Անժելա ՇԱՀՈՒՄՅԱՆ
