Տեղեկացրել ենք, որ Ադրբեջանի արտաքին գործերի նախարարությունը հրապարակել է 335 օտարերկրացիների «Սեւ ցուցակ»: Այս անձինք եղել են Լեռնային Ղարաբաղում: Հայտնի է, որ Ադրբեջանը Ղարաբաղը համարում է օկուպացված տարածք եւ «Սեւ ցուցակ» է գցում բոլոր այն մարդկանց, որոնք այցելում են Ղարաբաղ: Ցուցակում կա Ուկրաինայի ութ քաղաքացի:
Անդրադառնալով այց ցուցակինուկրաինացի քաղաքագետ Միխայիլ Բելեցկին ասել է, որ նման վարքի արդյունքում Ադրբեջանի վնասներն ավելի մեծ կլինեն: Քաղաքագետը տեղի լրատվամիջոցներին ասել է, որ նման ցուցակը առաջին հերթին վնաս է երկրի միջազգային վարկին եւ որքան շատ հայտնի մարդիկ կան այդ ցուցակում` այնքան մեծ է վնասը:
Ադրբեջանի ցուցակում են ուսական НТВ+ հեռուստաընկերության մեկնաբան Կոնստանտին Գենիչը, Հարավային Կովկասում ԵՄ նախկին ներկայացուցիչ Պիտեր Սեմնեբին, քաղաքագետ Սերգեյ Մարկեդոնովը, քաղաքական գործիչ Կոնստանտին Զատուլինը, Միացյալ թագավորության Լորդերի պալատի փոխխոսնակ Քերոյալն Քոկսը եւ այլք:
