Վերաքննիչ քրեական դատարանում շարունակվում է ՀԱԿ ակտիվիստների դատը: Ակտիվիստներից մեկը՝ Սարգիս Գեւորգյանը, նոր միջնորդություն ներկայացրեց դատարան՝ լրացուցիչ վկաներ հրավիրելու դատարան: Այդ վկաները, ըստ պաշտպան Մուշեղ Շուշանյանի, ականատեսներ են դեպքի եւ շատ կարեւոր է նրանց հարցաքննումը դատարանում:
Մեղադրող դատախազ Հակոբ Մարտիրոսյանը (լուսանկարում) առարկեց՝ ասելով, որ Վճռաբեկ դատարանը, գործն ուղարկելով Վերաքննիչ, այդ վկաներին վճռի մեջ անդրադարձել է՝ նշելով, որ դատարանը անարդար չի գտնվել՝ այդ վկաներին դատարանում չլսելով, ուստի հիմա նրանց կանչելը անհիմն է:
Դատարանը միջնորդությունը խորհրդակցական սենյակում քննելուց հետո որոշեց բավարարել մասնակիորեն: Միջնորդության մեջ նշվել էր 6 վկայի անուն, դատարանը բավարարեց նրանցից երեքին դատարան որպես վկա հրավիրելու միջնորդությունը: Ուշագրավ էր, որ ըստ որոշման, աղջիկ վկաների մասով մերժեցին, հրավիրեցին միայն արական սեռի ներկայացուցիչներին:
Տիգրան Առաքելյանին այս որոշումն անհասկանալի էր՝ ինչո՞ւ միայն տղաներին, գենդերային խտրականությո՞ւն է դնում դատարանը:
Կարդացեք նաև
Դատական նիստն այսօր ավարտվեց, հաջորդ նիստը նշանակվեց ամսի 26-ին:
Հռիփսիմե ՋԵԲԵՋՅԱՆ
