Վերաքննիչ դատարանում դեռ շարունակվում է ՀԱԿ ակտիվիստների դատավարությունը:
Տիգրան Առաքելյանը դատարանին միջնորդություն ներկայացրեց դատարան հրավիրելու նախկին ոստիկանապետ Ալիկ Սարգսյանին: Բանն այն է, որ տուժող ոստիկանները դատարանում հայտարարել էին, որ իրենք չեն հանդիպել ոստիկանապետի հետ, մինչդեռ նույն ժամանակահատվածում Ալիկ Սարգսյանը լրագրողների հետ զրույցում ասել էր, որ հանդիպել է տուժող ոստիկաններին, գիտի ողջ պատմությունը:
Ավելին՝ ՀԱԿ ակտիվիստ Սարգիս Գեւորգյանը մեջբերեց Ալիկ Սարգսյանի այն խոսքերը, ըստ որի՝ «Մեր ոստիկանների մոտ կային քերծվածքներ, բայց ես ասել եմ դրանք չգրեն», այսինքն, ուղղորդել է ոստիկաններին եւ նախաքննական մարմնին:
Մեղադրող դատախազը գտավ, որ միջնորդությունն այս փուլում վաղաժամ է: Նա չթաքցրեց, որ Ալիկ Սարգսյանի խոսքերին ծանոթ է, սակայն ասաց, որ Սարգիս Գեւորգյանի հայտնած տեղեկությունները իր համար նորություն էին:
Կարդացեք նաև
Դատարանը գտավ, որ պաշտպանական կողմը բողոքին կից ներկայացրել է սղագրությունը՝ թղթային տեսքով՝ «Ալիկ Սերգեյիչի վկայություն» վերտառությամբ, ուստի դա կուսումնասիրեն, իսկ Ալիկ Սարգսյանին որպես վկա դատարան հրավիրելու միջնորդության մասը առայժմ հետաձգում են, բայց չեն մերժում:
Հռիփսիմե ՋԵԲԵՋՅԱՆ
