Բաշար Ասադի ավտոմեքենաների շարասյան վրա կատարած հարձակումը` մահափորձը համաշխարհային մամուլի վերլուծության կիզակետում է: Այսօր «Հայացք» ակումբում նման տեսակետ հայտնեց արեւելագետ, Սիրիայի հարցերով փորձագետ Սուրեն Մանուկյանը, ըստ որի` մահափորձն անհաջող էր, Ասադը չի զոհվել:
«Սիրիայում իշխանությունները ձգում են դեպի 2014 թվականի նախագահական ընտրություններ: Ընդդիմության բացակայության պարագայում Ասադի հաղթանակն անխուսափելի է: Արեւմուտքն ընդունում է, որ Ասադն արդեն գնում է ընտրությունների»,- նշեց Մանուկյանը:
Անդրադառնալով Իրանի նորընտիր նախագահին եւ Սիրիայի հետ ունեցած հարաբերություններին, Մանուկյանը ասաց. «Ես մեծ տեղ չեմ տալիս, չեմ հավատում Իրանի նախագահի վճռորոշ դերին: Ինչ վերաբերվում է նոր նախագահի հետ կապված փոփոխություններին, ապա փոփոխություններ չկան, պարզապես Իրանը Սիրիային 4,5 միլիարդ վարկ տրամադրեց, ձեւակերպելով դա որպես ներդրումային ծրագիր: Սիրիական իշխանություններ մնացին Իրանի դաշնակիցը»:
Եվա ՀԱԿՈԲՅԱՆ
Կարդացեք նաև
