Ֆրեզնոյի բնակիչ՝ 93-ամյա Սարգիս Սահատջյանը խաղողի համով կարող է ասել, թե արդյոք այն քաղելու ժամանա՞կն է, թե՞ ոչ: Ասվում է «Քեյ Սի 24» լրատվականի հայկական խաղողօրհնեքի մասին պատրաստած նյութում:
Այս տարի Ֆրեզնոյի հայերը 100-րդ անգամ են խաղողն օրհնելու: Սա կրոնական արարողություն է, սակայն 1913թ. սկսած դարձել է աշխարհիկ տոնակատարություն:
Ֆրեզնոյի Սուրբ Երրորդություն հայկական եկեղեցու քահանա Վահան Կոստանյանը պատմելով խաղողօրհնեքի մասին` նշում է, որ որոշ մարդկանց համար արարողությունն այնքան կարևոր է, որ իրենք խաղող չեն ուտում, քանի դեռ այն օրհնված չէ:
Կարդացեք նաև
«Կինս այն մարդկանցից է, որը երբեք չի կպնի [խաղողին], քանի դեռ այն օրհնված չէ», – ասում է Սահատջյանը:
Այս տարի Ֆրեզնոյում խաղողօրհնեքը տեղի կունենա օգոստոսի 11-ին, որին կհաջորդեն բացօթյա խնջույքները:
Պատրաստեց Հովհաննես ԻՇԽԱՆՅԱՆԸ
