Այսօր «Ֆորում» ակումբում նոր ուսումնական տարվա վարձավճարների եւ Հայաստանի պետական ճարտարագիտական համալսարանի (ՀՊՃՀ) հիմնախնդիրների ու ձեռքբերումներին անդրադարձավ ՀՊՃՀ-ի ռեկտոր Արա Ավետիսյանը:
«Բուհական համակարգում քննարկվող հարցերից մեկը վարձավճարների փոփոխության հարցն է նոր սկսվող ուսումնական տարվա համար: Մենք այս հարցերը սկսել ենք քննարկել դեռեւս անցյալ տարվա հոկտեմբերից: Քննարկել ենք նաեւ այն, թե ուսումնական ենթակառուցվածքների բարելավման ինչ ծավալների խնդիրներ կան, եւ ինչ միջոցներով պետք է այն լուծենք»,- ասաց Ավետիսյանը՝ նշելով, որ երկու սկզբունքային որոշում են կայացրել` մեկը ծախսերի հետ կապված, այսինքն` դրանք պետք է լուծել վարձավճարների բարձրացման ձեւով:
Վարձավճարների բարձրացումներն, ըստ Ավետիսյանի, եղել են տարբերակված ձեւով, ամենաքիչը 26 հազար դրամ, իսկ ամենաշատը` 72 հազար դրամ:
Հաջորդ որոշիչ քայլն էլ հետեւյալն է` ճարտարագիտական կրթություն ստանալու համար միայն մաթեմատիկա քննությունով, նաեւ 11 մասնագիտոիթյունեերի գծով ֆիզիկա առարկան է մտել, որով դիմորդները կարող են ընդունվել բուհ:
Կարդացեք նաև
Ռեկտորը նաեւ տեղեկացրեց, որ այս ուսումնական տարվա համար ընդունել են 1000-ից ավելի առկա ուսուցմամբ դիմորդներ:
Եվա ՀԱԿՈԲՅԱՆ
