Կրիշտիանու Ռոնալդուի տարեկան աշխատավարձը լինելու է 17 միլիոն եվրո՝ 1 միլիոնով ավելի, քան Մեսսիինն է
«Ռեալը» գտել է իր առաջատարին երջանկացնելու միջոցը: Ակումբի ղեկավարությունը պորտուգալացի գերաստղին նոր պայմանագիր է առաջարկել, ըստ որի նա կարող է վաստակել իր գլխավոր մրցակցից՝ Լիոնել Մեսսիից ավելի շատ գումար:
Հեղինակավոր Marca հանդեսը տեղեկացնում է, թե Ռոնալդուն մինչեւ 2018 թվականը մնում է Արքայական ակումբում եւ արդեն ստորագրել է պայմանագիրը, որը նրան դարձնում է Իսպանիայում ամենաբարձր վարձատրվող ֆուտբոլիստը: Ռոնալդուի տարեկան աշխատավարձը լինելու է 17 միլիոն եվրո՝ 1 միլիոնով ավելի, քան Մեսսիինն է: Բացի դա, պորտուգալացին իր կերպարը օգտագործելու համար ակումբից ստանալու է գոյացող գումարի 60%-ը: «Ռեալը» դրան գնացել է աստղին պահելու համար:
Աշոտ ՀԱԿՈԲՅԱՆ
