«Իրավունքի եւ ազատության կենտրոնի» ղեկավար Վարդան Հարությունյանն այսօր Երեւանի քաղաքապետարանի ընդունարան է մուտքագրել հետեւյալ դիմումը Երեւանի քաղաքապետ Տարոն Մարգարյանին:
«Քաղաքապետարանի կողմից ավտոկայանատեղիների բացարձակ ապօրինի (տես` «Ապօրինությունների ռեկորդային քանակ» հոդվածը) նոր կարգի պահանջների համաձայն ես, ավելի մեծ վնասներից խուսափելու նպատակով, ստիպված եմ եղել օգոստոս ամսվա համար վճարել 2000 դրամ:
Հետագայում քաղաքապետարանը, քաղաքացիների սպասվող բողոքներից սարսափած, որոշեց այդ ապօրինի կարգի կիրառումը սկսել ոչ թե օգոստոսից, այլ` սեպտեմբերից: Մամուլից, մասնավորապես Aravot.am կայքից տեղեկացա, որ, ով զարմանք, իմ 2000 դրամը չեք գրպանելու եւ իմ դիմումի համաձայն այն կարող եք վերահաշվարկել եւ փոխանցել որպես սեպտեմբեր ամսվա վճար: Ահա այդ կապակցությամբ իմ դիմումը»:
