Վերջին օրերին Տավուշի մարզի Բերդի տարածաշրջանի սահմանագոտում անհանգիստ է, ադրբեջանական զինուժը ինտենսիվ կրակ է բացել հայկական պաշտպանական դիրքերի ուղղությամբ:
Մեր տեղեկություններով՝ օգոստոսի 4-ին վիրավորվել է պայմանագրային զինծառայող, Ներքին Կարմիրաղբյուր գյուղի բնակիչ Սարո Շառյանը: Վերջինս դպրոցահասակ 2 երեխաների հայր է: Մեր տվյալներով՝ Ս. Շառյանը ուսից է վիրավորվել:
Օգոստոսի լույս 6-ի գիշերը ադրբեջանական գնդակոծության հետեւանքով 2 ոտքի եւ ձեռքի շրջանում հրազենային վնասվածքներ է ստացել Մովսես գյուղի բնակիչ Արմեն Ավալյանը: Վերջինս մոտ 40 տարեկան է, ունի ավագ լեյտենանտի կամ կապիտանի զինվորական կոչում:
Նրան, ինչպես նաեւ Սարո Շառյանին Բերդի հոսպիտալում բժշկական օգնություն ցուցաբերելուց հետո տեղափոխել են Երեւանի զինվորական հոսպիտալ: Մեր տեղեկություններով՝ երկու վիրավորների կյանքին վտանգ չի սպառնում:
Կարդացեք նաև
Ոսկան ՍԱՐԳՍՅԱՆ
