Այս պահին ՀՀ Վերաքննիչ դատարանում ընթանում է ՀԱԿ ակտիվիստների դատավարությունը:
Նիստի ընթացքում մեղադրող դատախազ Հակոբ Մարտիրոսյանը (լուսանկարում) լսելով, որ ՀԱԿ ակտիվիստներից մեկը՝ Սարգիս Գեւորգյանը առողջական խնդիրեր չունի՝ ճշտեց, թե ինչու բանակում չի ծառայել այդ դեպքում: Սարգիս Գեւորգյանը պատասխանեց. «Ես հասկանում եմ ձեր ջանքերը, բայց դուք գիտեք, թե ես ինչու բանակում չեմ: Մինչեւ դատական վճիռն օրինական ուժի մեջ չմտնի, ես ծառայության համար պիտանի չեմ»:
Պաշտպան Մուշեղ Շուշանյանը Տիգրան Առաքելյանի խափանման միջոցը հանելու միջնորդություն ներկայացրեց: Նշենք, որ կալանքն է ընտրված՝ որպես խափանման միջոց եւ Տիգրան Առաքելյանն արդեն 2 տարի է՝ կալանավայրում է: Ըստ պաշտպանի, Տիգրանը երբեւէ փորձ չի արել փախչել, նրան կալանքի տակ պահելը չի հետապնդում որեւէ իրավաչափ նպատակ, նաեւ չկա հանրային շահ: Անմեղության կանխավարկածի սկզբունքը որեւէ կերպ թույլ չի տալիս Տիգրան Առաքելյանին այսքան տեւական ժամանակ ազատությունից զրկել:
Դատարանը գնաց խորհրդակցական սենյակ՝ միջնորդությունը քննարկելու:
Կարդացեք նաև
Հռիփսիմե ՋԵԲԵՋՅԱՆ
