Ռուսաստանի պրեմյեր լիգայի 4-րդ տուրում «Կուբանի» հետ մարտական ոչ-ոքի անելուց հետո Մոսկվայի «Սպարտակի» հարձակվող Յուրա Մովսիսյանը, որը 75-րդ րոպեին հավասարեցրեց հաշիվը՝ իր թիմին փրկելով պարտությունից, խոսել է իր խփած գոլի մասին:
«Ես զգացի, որ հարկավոր է եւ որոշեցի հարվածել: Եթե չփորձես, երբեք գոլ չես խփի: Դրա համար էլ առանց երկար մտածելու հարվածեցի: Անկեղծ ասած, նախապես նման բան չէի պլանավորել: Բախտս բերեց, որ հարվածս հաջող ստացվեց: Միայն թե, հիասթափված եմ, որ այսօր հաղթել չկարողացանք: Դրա համար էլ ինձ հանդիպման հերոս չեմ համարում», – ասել է Հայաստանի ազգային հավաքականի հարձակվողը:
Աշոտ ՀԱԿՈԲՅԱՆ
