Օգոստոսի 2-ին, ժամը 10:25-ին, Ոստիկանության Արտաշատի բաժնում անհայտ քաղաքացուց ահազանգ է ստացվել, որ Արտաշատի 6-րդ ուղեկալի ճանապարհին զենք-զինամթերք է թողել:
Ոստիկանության հաղորդագրության համաձայն, մեկնած օպերատիվ խումբը նշված վայրում հայտնաբերել է որսորդական մեկփողանի հրացան` ինքնաշեն եղանակով պատրաստված երկու փողով` ձևափոխված 7,62 մմ տրամաչափի փամփուշտ կրակելու համար, «ԱԿՄ» տիպի ինքնաձիգի 7,62 մմ տրամաչափի` 18, ինքնաձիգի 5,45 մմ տրամաչափի` 10 և «Կարաբին» տիպի հրացանի 7,62 մմ տրամաչափի 9 փամփուշտ ու բեկորային ական: Հայտնաբերվածն ուղարկվել է փորձաքննության: Կատարվում է հետաքննություն:
